靠美貌爭寵、耍手段上位、搞陰謀害人，這些皆是宮鬥劇的常見情節。

熟口熟面乎？這些場面天天在你公司發生，你不是不知道嘛？

如果你完全不察覺這些枱底下的暗流湧動，而竟然存活至今，只能證明：( 1 ) 你福大命大，值得恭喜；( 2 ) 你存在感甚低，對同事的威脅性也低，連「奸角」也沒心機搞你。

「你太偏激了，唔比我公司同事人品好，唔鍾意搞是搞非嘅咩？」( 真實對白 )

小綿羊呀，我只能跟你說，有人的地方就有恩怨，有恩怨的地方就有江湖；公司就係江湖，江湖又怎少得了腥風血雨？

既然你我都是「江湖中人」，大家都飽歷滄桑，曾經滄海，對於小兒科的宮鬥劇，照道理應不屑一顧才是。

除非，有人覺得，睇宮鬥劇可以「學到嘢」，回到公司可照辦煮碗整治那「奸妃」……不，是隔籬位那爭上位的同事吧。

問題是，宮鬥劇的橋段，是否能夠Copy在Office裏？

關鍵在於，宮鬥劇中人人欲討好的「皇上」，亦即你位大老闆，離你有多遠。

如果閣下除了Annual dinner之外，平時都見不着大老闆，或者一年裏和他談話不夠十句，證明你的地位等同小太監和小宮女，基本上你縱然有滿腹陰謀也無用武之地。都係早啲瞓啦，仲睇乜宮鬥劇，明天返工不要遲到呀。

如果你本身已是老闆身邊紅人，甚麼宮鬥劇的詭計你早已滾瓜爛熟啦，根本也看不上眼。

不過，最愛睇宮鬥劇的族群，通常都是師奶。而她們，第二日係唔使返工的。她們，其實係皇太后。

以上文章刊於《招職》。