人工及晉升機會
30,000元
月薪平均都有三、四萬，因為我哋依行人工係底薪加佣金。我依個職級除了個人佣金收入，仲有店舖佣金收入，簡單嚟講，同事做夠數，我都有豐厚的薪金收入。公司每個月都有「特選錶款」，如果自己或同事賣得出該款錶，又會有一筆額外佣金收入，如錶價二十萬左右，就有四千蚊佣金。旺季嚟講，其實月入十萬是很平常的事。真係好淡好淡嘅市道，前線銷售人員都只少有兩萬蚊，我自己都有四萬多啲。
老實講，間間公司文化唔同。通常由銷售人員做起，之後晉升為高級銷售人員、主管和經理。我總公司鍾意空降管理層，除非開新分店唔夠人返工，才會考慮內部晉升。
月薪平均都有三、四萬，因為我哋依行人工係底薪加佣金。我依個職級除了個人佣金收入，仲有店舖佣金收入，簡單嚟講，同事做夠數，我都有豐厚的薪金收入。公司每個月都有「特選錶款」，如果自己或同事賣得出該款錶，又會有一筆額外佣金收入，如錶價二十萬左右，就有四千蚊佣金。旺季嚟講，其實月入十萬是很平常的事。真係好淡好淡嘅市道，前線銷售人員都只少有兩萬蚊，我自己都有四萬多啲。
老實講，間間公司文化唔同。通常由銷售人員做起，之後晉升為高級銷售人員、主管和經理。我總公司鍾意空降管理層，除非開新分店唔夠人返工，才會考慮內部晉升。
壓力指標
Sales跑數壓力，每個月前線銷售人員都要做夠個人數，做唔夠我要搵佢傾計，輔助吓佢哋㗎。另外就是總公司和品牌派來的神秘顧客調查，次數愈來愈密，其中一個同事做壞咗，評分低都會影響整間店舖的形象或者福利制度。
增值指標
入行最緊要有銷售經驗，購買名錶客人目的都不同，要跟對方打開話題，你要投其所好，最好多認識不同方面的知識，去旅行又傾到、飲食玩樂又有分享，同時積極了解新事物，客人才會覺得你專業。語文能力有助銷售，有時間多學不同國家語言。但講到尾，要做到經理級，最基本要有本科學士學位，同埋管理經驗或者知識。
| 問： | 做名錶客戶經理有乜入職要求？ |
| 答： | 客戶經理同時需要銷售和管理經驗，學歷過到關，得到面試機會，最重要分享你過往做銷售和管理員工的經驗，最好賣過高檔的消費品。 |
| 問： | 面試會問乜？ |
| 答： | 單對單面試，其實都係傾計為主，會問吓你對不同名錶品牌的認識，即係各品牌的優點，呢點都好重要㗎。另外，管理方面，我面試嘅話就會要求最緊要細心，因為我哋賣緊嘅錶隻隻萬萬聲，但多數客人拎出嚟睇都幾十萬起，跌花咗個銀面或者被人偷龍轉鳳都好大獲㗎。 |
| 問： | 工作淨係賣錶？ |
| 答： | 錶行sales賣錶當然要啦！每個月要跑三百萬㗎！我對上只有一個總經理，只要招呼得佢開心，達到他的工作要求又跑夠數，基本上我已經合格。前線銷售人員即是我班下屬，他們的佣金、獎金、假期表，另外處理客人投訴都是我主要的工作。 為公平起見，因為我哋招呼街客要用「輪流制」，街客意思是任何Walk in客人，若果客人拎住同事卡片或者講得出同事名字，都當熟客。我好多時候都要處理同事之間的糾紛，其實一間名錶分店可以見到不同的宮心計，好似同事A琴日Sell完客，客人話要返去諗諗，翌日真係回頭，但佢又講唔出同事A個名，同事A又咁啱喺倉食緊飯。一食完飯出來，就走去個客面前話同事B搶單兼冇道德，要即刻調停。有咩事都唔可以喺客人面前嘈，你估大家真係眾志成城跑公司條大數咩，其實好多Sales都會「眼紅」其他Sales。 |
| 問： | 客戶經理有乜工作指標？ |
| 答： | 工作指標就係唔好比總公司「照肺」，就叫表現好！好似上個月神秘顧客又嚟啦，挑選咗一位有班內地熟客的同事，佢本身個個月頭就做夠單爆數，平時又好比心機將新錶款放上微訊朋友圈，當天神秘顧客坐低，佢竟然完全無講解，叫個客自己睇，我真係嘔血，後來要同總公司解釋。今個月開始，我規定了招呼客人時嚴禁拿出手機，正值淡季，大家唔該積極啲啦。 |
| 問： | 點解做呢行？ |
| 答： | 單單都係錢，即係佣金。我公司做夠十年仲會喺周年晚宴上頒發金牌，加上我性格好勝，今次我就試下拎埋塊金牌先轉工！當年做高級百貨公司零售，主管最鍾意蛇王，中午打後就唔見人話要去湊客，收工先再蒲頭。同事放假安排佢又話晒事，同佢熟或者奉承佢就可以連放兩日，我就要分開放，唔鍾意被人蝦，所以唔甘心一世停留在前線銷售人員位置，所以就發奮向管理層進發！ 有啲人心存偏見，認為我地呢行叫人買錶係靠呃呃氹氹。其實，能夠與熟客打好關係或者做到一啲令佢地感到窩心嘅服務，我都會好開心，例如幫他們買到熱炒款式或者斷貨名錶咁，好多名錶要排隊先拎到㗎，唔係有錢就一定買到。 |
