人工及晉升機會
30,165元 ( GM起薪 )
教師可以分為文憑教師 ( CM ) 同埋學位教師 ( GM )，CM入職薪金約20K起，頂薪點較低，通常係以前讀完師範就嚟教，津校及官校較多呢種教席，以教初中為主。不過，如果其他學校唔夠GM位，但有教師想要常額位，都會做住CM先。
我係GM，依家新晉教師絕多數都讀完學位後，讀埋學位教師教育文憑課程 ( PGDE )，佢哋屬於GM，起薪點可以高啲，頂薪係約58,000元，之後仲可以升高級學位教師 ( SMG ) 及首席學位教師 ( PGM )，薪級表可以係教協網頁就會查到。
好多人都聽過「常額」同埋「合約」位，前者唔洗年年簽約，通常都可以做到退休。後者就係逐年或隔年簽，薪酬未必可以畀足CM或GM人工，要視乎個別情況，不過直資學校彈性較大，校方可以根據資歷而衡量畀多啲人工。
教師可以分為文憑教師 ( CM ) 同埋學位教師 ( GM )，CM入職薪金約20K起，頂薪點較低，通常係以前讀完師範就嚟教，津校及官校較多呢種教席，以教初中為主。不過，如果其他學校唔夠GM位，但有教師想要常額位，都會做住CM先。
我係GM，依家新晉教師絕多數都讀完學位後，讀埋學位教師教育文憑課程 ( PGDE )，佢哋屬於GM，起薪點可以高啲，頂薪係約58,000元，之後仲可以升高級學位教師 ( SMG ) 及首席學位教師 ( PGM )，薪級表可以係教協網頁就會查到。
好多人都聽過「常額」同埋「合約」位，前者唔洗年年簽約，通常都可以做到退休。後者就係逐年或隔年簽，薪酬未必可以畀足CM或GM人工，要視乎個別情況，不過直資學校彈性較大，校方可以根據資歷而衡量畀多啲人工。
壓力指標
好多人都話教書壓力大，的確年輕教師會特別感受到個分別，因為以前教學時間充裕啲，可以成日同學生溝通；但依家社會對教師要求多咗，要保持進修，因為教育界好多變化，唔增值唔得，仲要兼顧教學以外嘅活動，空堂都要改簿或者開會，放學就要備課、改簿等。
我覺得最大壓力係開學時，教師要適應新學生；去到中期考試約1月前左右，課程會教得急，但遇上學生能力有參差，就要額外補習。另外開學到呢個時候，開始有學生出現情緒問題，又要應付。
我覺得最大壓力係開學時，教師要適應新學生；去到中期考試約1月前左右，課程會教得急，但遇上學生能力有參差，就要額外補習。另外開學到呢個時候，開始有學生出現情緒問題，又要應付。
增值指標
目前新入職教師，擁有大學畢業程度之餘，校方都會要求有PGDE資格。不過，最好喺大學修讀嘅主修或副修同任教科目直接相關，例如讀中文系就去教中文。
如果修讀科目係中學無嘅，其實都可以有機會，只要進修相應嘅PGDE就得。以翻譯系為例，可以進修PGDE中文課程，就有資格教中文科。當然，好多學校都會請返曾讀過直接關事科目嘅求職者。但申請PGDE時都有篩選，若果你係讀宗教系，但想教中文，可能報都唔比你報，反而揀通識科就機會大啲。
如果修讀科目係中學無嘅，其實都可以有機會，只要進修相應嘅PGDE就得。以翻譯系為例，可以進修PGDE中文課程，就有資格教中文科。當然，好多學校都會請返曾讀過直接關事科目嘅求職者。但申請PGDE時都有篩選，若果你係讀宗教系，但想教中文，可能報都唔比你報，反而揀通識科就機會大啲。
| 問： | 見工有幾多輪面試？要點準備？ |
| 答： | 第一輪教席面試以傾計為主，校方想了解你嘅教學經驗、有咩心得及工作態度，亦有學校會摸索面試者係咪適合學校風格，例如學校成日有課外活動如交流團或有機耕種農圃；又可能學校著重資訊科技，就會問面試者係呢啲項目有無經驗，或者願唔願意幫手。 當然，面試都會問及相關科目嘅嘢，如果教中文，會用普通話考你；教英文就當然用英文啦。至於宗教學校，唔一定要求教師信奉相同宗教，但會考慮如果以前讀過嘅學校有近似背景，會覺得教師容易融入文化。另外，面試時印象分點都有影響，最基本係有一定嘅表達能力。 如果去到第二輸面試，唔同學校會有唔同面試方法。有學校會安排一班學生比你試教，你要準備教案同埋有工作紙，要展示出教學及秩序控制嘅能力。如果係暑假請人，可能要喺無人嘅班房示範教學。如果你有特別技能，例如識得玩樂器，可以帶領管弦樂團，都要你示範。 最後階段就係見校長，甚至連校董、校監都會見，不過如果你經驗豐富嘅，可以唔使做上面嘅嘢，直接到呢一關，好快講點安排工作及校方要求等，之後就簽約。 |
| 問： | 中學教師工作係咪淨係教書改功課出試題？ |
| 答： | 除咗教書，都要帶課外活動，每個教師都要帶兩三個，有啲學校就更多。學會嗰啲呢，通常會安排兩至三個教師負責一個，唔會一個揹晒，有人做多啲，有啲人係輔助為主。我有跟童軍同埋帶義工服務，要安排高年班同學組織活動，睇佢哋點安排同埋審閱學生寫嘅計劃書、財政報告。 另外，我成日都要午飯時間同學生開會，因為佢哋課後較忙。每次學生完成服務後，都要再開會講返有咩要留意。另外都要幫手中文學會，每年都要舉辦中文周，同樣要寫計劃書講個內容係點。另外，每年學校大型活動如畢業禮，流程同埋邀請嘉賓等都要幫手。 去到咁上下年資，校長就會要你做班主任，主持班主任堂。我哋要好了解學生，唔止學業，情緒、家庭、交友都要幫，花嘅心機唔少。如果學生由小學已開始有問題，升中後就唔係咁易解決，有時候要班主任加埋輔導老師一齊，甚至搵埋社工幫手。班主任要跟足全班及全級活動，有海外交流團嘅話，預咗要跟埋離港。有特殊需要嘅同學仔，生理條件唔係太好，教師就要由佢哋入學跟進到畢業。有五至六年教學經驗嘅，就要做埋行政工作，包括擔任聯絡及製作課程進度表等。 做教師要幾「百搭」，所以須要儲經驗，因此教師嘅穩定性好重要，做得愈耐，工作就愈暢順 |
| 問： | 顧掂自己份內事，係咪就可以準時收工？ |
| 答： | 其實要做好份內事，難免要跟其他同事合作；例如教師有教學進度表，所以我成日跟同事溝通，保持到個進度。另外，要協調教學上嘅改動，保持教學統一。至於搞學會，一定要有資深教師同新晉教師合作，先能夠要薪火相傳。我知道有學校鍾意開會，或要求教師共同備課，傾吓下堂課點教，要準備咩教材，或者分擔教學工作，所以教師好講合作性同埋溝通。咁多工作，好難自己做晒，所以最好彼此分享教學資源，例如有同事整咗好好嘅工作紙，或者喺外面進修完，都會同我哋分享。 |
| 問： | 做呢行有咩難頂位？ |
| 答： | 平時教書時間已經緊迫，有要兼顧課外活動就辛苦啲。我知道有部分教師認為教書就係教書，但依家會變得好趕，有時上堂時間變咗課外活動，教師自己又要交文件，成日開會，傾兩、三個鐘係等閒事，佢哋會覺得連本科都唔夠時間教，所以要睇教師適唔適應個文化。 我自己就暫時都OK，我間學校個文化唔會去到咁趕，所以工作都好有效率。有人覺得教師好穩定，年年教一樣嘅嘢，其實唔係，呢幾年變化好多，再加上如果校長鍾意試新嘢，變咗每年都要修改教學重點或者摸索新方向，對於年年要試唔同嘢，我有啲同事都會覺得好吃力。 |
| 問： | 係咪成日要應付怪獸家長？ |
| 答： | 都有破解方法嘅，教師見家長前，最好先同學生了解咗問題先，如果一早留意到，紓緩咗，或者察覺到問題又主動搵家長，提供方法幫手，甚至搵埋相關教師、副校長同社工一齊傾，通常唔會有好大問題出現。如果唔係，家長就會質疑教師有無關心學生。 平時都要同學生有傾有講，千祈唔好無溝通之下搵家長。班主任一定要喺班主任堂同學生傾計，一發現學生有異樣，唔好淨係家長日先講比家長知，咁樣盞比啲「驚嚇」佢父母，到時要處理家長嘅反應同情緒，到頭來都係搞到自己。 當然都要睇學校點處理問題，發現學生成績跌，可以安排課後進修班，而且要盡快通知家長，或者由學科教師同班主任傾吓點搞。其實家長反應係點，好睇校方有無同學生、家長保持溝通。 |
