近日不少人收到信件，獅子調低自己股份的信貸額，意味抵押例如100蚊價值該行股份，再唔可以借到錢(即孖展額調至0%)，究竟意味什麼?
 

銀行對於股、債、樓、匯未來之波動性有自己一套評估，調低一些投資物的信貸額，就如當鋪認為呢隻錶不再似往年咁「值當」，或根本不受當。
 

論匯豐業績, 2020年8月3日公佈上半年業績， 上半年稅前利潤大跌65%至43.18億美元，稅後利潤暴跌69%至31.25億美元。 低息環境持續銀行靠賺息差穩賺既日子，就如1992-97年咁易做既時間，恐怕未來一段時間都唔會黎。美聯儲已預示低息環境最起碼到2023年，而匯豐2019年6月至2020年6月一年計，歐洲業預蝕大錢，只係靠亞洲業務盈利支撐。可是由於客戶資料問題及制裁問題，匯豐銀行夾在中美兩大國之間，情況難去預測。不明因素令匯豐近日都認為自己既股份唔值當。
 

相比債券、或者住宅銀行依然提供高槓桿，債可達70%，大部份50-60%。樓可達90%，說明股票率先「被放棄」。銀行用最專業，亦最誠實的角度同你講: 如果唔對路，佢先唔接受股票抵押。表示買股票求安穩或長擺的心態，要三思。
 

諗sir不時係收息101課同學生講:「如果入銀行比人狂sell理財產品，你同佢講既然份保險、或者股票掛勾咁正….不如銀行融資一半，大家兩兄弟每人出一半買咪走寶啦！」
 

講完，應該個sales會放你走。
 

上星期落堂，有學生講佢2020年3月做左半年期股原掛勾收年息8%掛三隻，分別係地鐵、匯豐、中電，當然而家等接貨啦，十月結算要接50幾蚊既匯豐，為左8%年息(做半年即只收得4%)而輸一半(輸近50%)，銀行用地鐵同中電為風險高的匯豐作掩護，大講中電有幾穩，正確的。可是要接貨，要接三隻之中令客輸最多的(匯豐)。
 

最令諗sir替學生唔抵既，係就當佢真係要做，街外咁既組合應有15%息派比佢，可見一張掛勾食水好深。用sp trader睇下short put用幾多按金同收幾錢，就知返銀行做要比人食幾多。諗sir錄左個四堂期權課程，新網上課程黎。一步步開著sp trader(期權大師)教你買賣期權。即long call、long put、short call、 short put，很實戰及講埋幾時應用四式之中邊一式。
 

當然股票都有其用處，只不過用掛勾買股票，成件事複雜了又比人食水。再睇匯豐業績，30%收入源自個人財富管理、45.2%源自環球銀行及資本市場，工商金融+企業中心約25%。你明匯豐上年最賺錢都係用銀行資本於資本市場買賣賺返黎。財富管理的業務貢獻由一年前39%下降至30%，說明匯豐精於市場炒野賺錢，而呢一刻佢就唔為自己隻股提供槓桿啦。
 

然債由到期保本、香港的住宅流通性都強，用事實黎講，經銀行判斷，佢地認為債同住宅既穩定性都比大籃籌好! 與其聽銀行sell邊樣野好，又出咩大行報告，不如直接考慮銀行提供高槓桿的投資物如樓及債，唔一定要槓桿，但銀行表示你當比我我有信心囉！