從2017年11月計算，香港住宅市場上升13%，算具明顯升幅。近年「受惠」於地鐵通車的香港仔中心呎價則跑輸大市，已不只一次指出跟鐵路網買樓是錯誤。

有人流就有新商業網，有新商業網自有人住。從廚師想喺餐館附近租屋居住，慢慢由照顧民生需要的食穿店舖發展到講門面的甲乙級商廈，一區的樓價就「谷起」。依各位老香港、具經驗的讀者所見，香港仔有咩吸引到區外客呢？不外乎有少少人嚟食下海鮮，或者招呼下貝沙灣班城隍啦。

香港仔係Deadend，好住但如你需要一間會升嘅樓，可能觀塘、九龍灣、荃灣更好。大家不時見到億京發展物業，但從未見佢上市，可能是公司持有大量九龍灣物業，唔想益人啦。那一邊廂九倉喺搞好地契問題後就將海港城拆走上市，附近海防道的周生生舊舖位劈一半租都冇人肯承，你知道買好野從來要思考，世上沒不勞而獲之事。

或許不勞而獲之事仲有一件，就係跟汪總買荃灣。先講事實係「〔文匯報〕 汪敦敬以1,980萬元買入荃灣南豐中心商場A074號舖」，留意唔係荃灣買乜野都贏。荃灣現正由住宅轉商業，遺憾是荃灣商業大廈很少，億京就喺海邊起緊一間，而南豐客層由孩子父母到菲傭都合，附近有地鐵站及近年靠兒童主題打起咗嘅愉景新城，你去南豐再買舖已無望，但荃灣仲有乜投資機遇？筆者下年可抽空講下。值得一提，宜家已重返荃灣營業，而柏傲灣車位又高價拆售沽出，仲只賣比同座有四房嘅業主，那又是甚麼意思？講返結果，荃灣細單位2017年照升，預期之內。不過愉城及海濱個價就好唔掂，只因是同區賣咗三個盤造成大量換樓客被沽壓。至於沙田中心亦是跑出，該屋苑主打大窗台及細單位，總之已發展區配上兩房則，2017就是贏。那2018有咩會贏？留返年頭先講。

將中跑輸比康城，主因康城已留港夠七年，無身份證但捱過了三至六年SSD高沽壓期。而將中開始舊，加上當地新樓建成活躍，租金及15至30年樓之價難升，加上屬重港供應多之第三位及Deadend，有睇開筆者Blog都知筆者本人唔點敢去將軍澳，尤其充滿壯健地產經紀的位置。

和富可以跟大市同步，這是超水準的。但留意和富2017年11月只有一單成交，令統計未必準。籠統而言香港島三房是邪惡的，無錢唔好望，買咗就預跑輸。上水由於地方規劃問題，成為一個有商業但冇配套之城鎮，買上水中心要小心隔離係咪做咗貨倉。

以上文章刊於《招職》。