一般打工仔帶錢返工在所難免，除非你係地位崇高的管理高層，有公司司機接送，否則單是車錢就要自備。但以下四種「個案」，相信足以考驗你的荷包及忍耐力，持續出現更提醒你應該盡快轉工。

沒完沒了的士錢：正常時間返工放工應該唔使搭的士，但當你日日無間OT，放工時巴士港鐵統統收爐，就難免要豪搭的士。此外，如果你公司規定黑雨或八號波一但取消就要半小時內返到公司，開支就會百上加斤。

Claim錢門檻高：如果你經常要外出公幹，甚至要出Trip，搭車機票住宿錢要自己先支付，Claim錢流程比報稅表複雜10倍，又要搵多個老細簽名，嚴重影響每月個人現金流，更令工作士氣跌落谷底。

基本資源短缺：原子筆、釘書機、萬字夾等文具要自備可以忍，但影印紙及廁紙都要自費採購，如此貼錢打工真係少數怕長計，老細算死草亦唔慌對員工好，係時候搵出路。

遲出糧：一般公司準時月尾出糧，慢慢好似愈出愈遲，甚至到4、5號先有糧出，結果每月頭幾日變相要帶錢返工，假如公司用支票出糧，收票後要去銀行排長龍，浪費時間仲擔心公司的財政狀況。

整靚CV　提高加入理想公司機會

好多打工仔都想加入大公司，無非睇中福利好支援足，告別帶錢返工機會就大增。要爭取面試機會，首先要整靚個人CV吸引僱主，最簡單的方法是利用cpjobs.com的「自訂CV」功能。

簡單三步，就可以隨時隨地優化你的CV：

1.到cpjobs.com設立賬戶

2.上載你的CV

3.點擊「Profile & CVs」，將你的CV整合到cpjobs.com精選的CV範本設計。

完成上述三步，當你發現有心水好工，就可以隨時修改你的CV並即時申請，一份度身訂造的CV可以幫你突出個人強項，增加被揀中的機會。

文：Peter Cheung

以上文章刊於《招職》。