唔少畢業生搵工由7月玩到9月都係得個見字，這個情況很可能中了一些見工常犯錯誤。睇睇以下10樣你中了幾多，火速掃走見工障礙物。

1. 太老實：無保留盡數自己缺點，甚至已講明唔OT、隨時請假，肯定被人扣分扣到盡。

2. 未瞓醒：面試時唔夠瞓，輕則轉數變慢，重則答非所問。

3. 大遲到：餐餐見工必定遲大到，老闆點好心都唔會請一位例遲員工吧。

4. 無準備：空槍上陣，連基本資料都懶記，面試嗰位必定叫你等消息。

5. 情緒化：見工唔係見社工，你一味留淚兼訴苦，這張感動牌效果近乎零。

6. 太濃妝：妝唔係愈濃愈好，化到京劇咁款，只會嚇怕面試官。

7. 太浮誇：呢個世界邊有咁多超人，講到自己係工作超人，對方只會對你誠信扣晒分。

8. 講嘢太快：見工唔係急口令比賽，說話三倍速，叫對方點聽！？

9. 電話響：唔熄電話仲照聽，見工誠意係一個問號。

10. 著得太Hea：著短褲踢拖，你都係去沙灘晒太陽算啦，無謂浪費大家時間。

自動配對　機會大提升

搵工想一擊即中除了要戒掉見工壞習慣，更要揀啱適合自己的工作，利用cpjobs.com的「Match Me Plus」功能，成為會員並上載個人CV， 系統便會按你的CV 按你喜好自動為你配對，增加被未來僱主揀中的機會，見工時再有出色臨場發揮，好工自然手到拿來。

文：Peter Cheung

圖：Shutterstock

以上文章刊於《招職》。