打工受人錢財替人消災，日常工作難免會奉送一堆來自上司的閒氣，以下七款，足以令你每個星期要自我催眠：我要原諒上司70 個7次！
卸膊操天天做：親手接返來的新項目，轉頭又卸落你度，當你拚命K.O.項目後，不用說功勞又係佢一人獨攬。
立場急轉彎：上司在上午作出A指示，下午忽然急轉彎作出完全相反的B指示。上司如此「靈活」，做下屬難免一肚氣。
一個打十個：上司都習慣順手叫人做嘢，如果你係佢「順手」對象，你很快就會進化成一個打十個，被迫乜都識。
意見夠彈性：交功課予上司，最怕係上司給予超「浮」意見，例如活動要「夠爆」，仲難估過燈謎確難頂。
收工急件：臨收工五分鐘先交低一堆文件，限你即晚K.O.，一個星期玩幾次真係火都嚟。
開會無極限：「雞毛鴨蒜」都call齊人傾一大餐，如此天天幾粒鐘開會無限loop，寶貴青春就白白浪費在會議室內。
全日On Call：要求你全日On Call，甚至你出門旅行照打比你，令你即時確認自己「奴工」身份無誤。
觀看影片 : https://www.facebook.com/cpjobscom/videos/1826129377701381/
文：Peter Cheung
以上文章刊於《招職》。
